అభ్యర్థులు నేర చరిత్రను తెలపాలి: ఈసీ

మేనిఫెస్టోతో పాటు తాము ఇచ్చిన హామీలు, చెప్పిన పథకాలు లాంటి పూర్తివివరాలను అసెంబ్లీ ఎన్నికల్లో పోటీ చేయనున్న అభ్యర్థులు ఎన్నిక సంఘానికి ఇవ్వాలని తెలంగాణ ప్రధాన ఎన్నికల అధికారి రజత్‌కుమార్ తెలిపారు. ఎన్నికల్లో బరిలోకి దిగుతున్న అభ్యర్థులు నామినేషన్ ఫారమ్‌తో పాటు రాజకీయ ఫారంలో పలు వివరాలు నింపాల్సి ఉంటుందన్నారు.

సచివాలయంలో శుక్రవారం రజత్‌కుమార్ మీడియాతో మాట్లాడారు. ‘అభ్యర్థులు వారి ఆస్తి వివరాలు ప్రకటించాలి. వాటితో పాటు ఎన్నికల ప్రచారానికి ఖర్చు చేసే డబ్బు ఎలా వచ్చిందో తెలపాలి. పార్టీ ప్రకటించిన మేనిఫెస్టోతో అభ్యర్థులకు సంబంధం ఉంటుంది. అందుకే అభ్యర్థులు వారి పార్టీల మేనిఫెస్టోతో పాటు నియోజవర్గ ప్రజలకు ఇచ్చిన హామీల పూర్తి వివరాలు ఫారమ్‌లో నింపాలి.

నేర చరిత్ర వివరాలు, ప్రస్తుతం విచారణ ఎదుర్కొంటున్న అభ్యర్థులు తమ కేసు వివరాలను తెలపాలి. దీంతో పాటుగా మూడు ప్రముఖ వార్తా పత్రికల్లో తమ నేరచరిత్ర వివరాలను పబ్లిష్ చేయించాల్సిన బాధ్యత అభ్యర్థులదే. తాము తెలిపిన అన్ని వివరాలకు ఎన్నికల్లో పోటీ చేస్తున్న అభ్యర్థులు సెల్ఫ్ డిక్లరేషన్ ఇస్తారని’ సీఈవో రజత్‌కుమార్ వివరించారు. ఎన్నికలు పారదర్శకంగా నిర్వహించేందుకు అందరూ సహకరించాలని అన్ని రాజకీయ పార్టీలను రజత్ కుమార్ కోరారు.

Mobile AppDownload and get updated news



Source link

Leave a Reply

Your email address will not be published. Required fields are marked *

shares