ఆసీస్ టూర్.. పృథ్వీ షా‌కి సచిన్ పాఠాలు

ఆస్ట్రేలియా పర్యటన ముంగిట భారత యువ ఓపెనర్ పృథ్వీ షా‌ ముంబయిలోని సచిన్ క్రికెట్ అకాడమీలో బ్యాటింగ్ పాఠాలు నేర్చుకుంటున్నాడు. డిసెంబరు 6 నుంచి ఆస్ట్రేలియా గడ్డపై భారత్ జట్టు నాలుగు టెస్టులు సిరీస్ ఆడనుండగా.. ఈ పర్యటనకి ఎంపికైన పృథ్వీ షా ఇప్పటి నుంచే ఆ సిరీస్‌ కోసం సన్నద్ధమవుతున్నాడు. వెస్టిండీస్‌తో ఇటీవల ముగిసిన రెండు టెస్టుల సిరీస్‌తో టెస్టుల్లోకి అరంగేట్రం చేసిన 18 ఏళ్ల పృథ్వీ షా.. తొలి మ్యాచ్‌లోనే శతకం బాది అందర్నీ ఆశ్చర్యపరిచిన విషయం తెలిసిందే.

వెస్టిండీస్‌తో సిరీస్ తర్వాత విజయ్ హాజరే ట్రోఫీ ఆడిన పృథ్వీ షా.. అనంతరం మోచేతి గాయం కారణంగా ఇటీవల ముగిసిన దేవధర్ ట్రోఫీకి దూరమయ్యాడు. అయితే.. ఇప్పుడు గాయం నుంచి పూర్తిగా కోలుకుని.. సచిన్ అకాడమీలో ప్రాక్టీస్ చేస్తున్నాడు. పృథ్వీ షా బ్యాటింగ్‌ని దగ్గర నుంచి పరిశీలిస్తున్న సచిన్ టెండూల్కర్.. ఆస్ట్రేలియా గడ్డపై ఎలా బ్యాటింగ్ చేయాలో నేర్పుతున్నాడట. ఈ మేరకు గత రెండు రోజులుగా రబ్బరు బంతితో ప్రాక్టీస్ చేయించడంతో పాటు.. షార్ట్ పిచ్ బంతుల్ని ఎదుర్కొనే టెక్నిక్‌ కూడా యువ ఓపెనర్‌కి సచిన్ నేర్పిస్తున్నట్లు వార్తలు వస్తున్నాయి.

భారత్-ఎ జట్టుతో కలిసి త్వరలో న్యూజిలాండ్ పర్యటనకి వెళ్లనున్న పృథ్వీ షా.. ఆ తర్వాత డిసెంబరులో టెస్టుల కోసం ఆస్ట్రేలియా వెళ్లనున్నాడు. భారత్- ఎ జట్టుకి కెప్టెన్‌గా అజింక్య రహానె వ్యవహరిస్తున్నాడు.

Mobile AppDownload and get updated news



Source link

Leave a Reply

Your email address will not be published. Required fields are marked *

shares