చెన్నై టీ20: కౌల్‌కు చాన్స్, ముగ్గురికి విశ్రాంతి

వెస్టిండీస్‌తో జరగనున్న మూడో టీ20లో మీడియం పేసర్ సిద్ధార్థ్ కౌల్‌కు అవకాశం కల్పించారు. ఆదివారం చెన్నై వేదికగా జరిగే మూడో టీ20కి కీలక బౌలర్లు ఉమేశ్‌ యాదవ్‌, జస్ప్రీత్‌ బుమ్రా, చైనామన్‌ బౌలర్ కుల్దీప్‌ యాదవ్‌లకు విశ్రాంతి కల్పించారు. ఈ మేరకు బీసీసీఐ ట్వీట్ చేసింది. మూడు టీ20ల సిరీస్‌ను టీమిండియా ఇదివరకే 2-0తో కైవసం చేసుకున్న విషయం తెలిసిందే.

కీలకమైన ఆస్ట్రేలియా పర్యటన కోసం ప్రధాన బౌలర్లకు విశ్రాంతి కల్పించాలని భావించిన టీమ్ మేనేజ్‌మెంట్, ఈ నేపథ్యంలో మూడో టీ20లో కౌల్‌కు ఛాన్స్ ఇచ్చింది. గాయలబారిన పడకుండా చూసేందుకు నామమాత్రమైన చివరి టీ20 నుంచి వీరికి మేనేజ్ మెంట్ విశ్రాంతి కల్పించింది. రంజీల్లో పంజాబ్ జట్టుకు ఆడిన కౌల్ మెరుగైన ప్రదర్శనతో మరోసారి టీమిండియాలోకి వస్తున్నాడు. కెరీర్‌లో ఇప్పటివరకూ 3 వన్డేలాడిన కౌల్.. 2 టీ20ల్లో 3 వికెట్లు తీశాడు.

విండీస్‌తో టీ20 సిరీస్ అనంతరం నవంబర్‌ 21 నుంచి ఆస్ట్రేలియాతో వరుస సిరీస్‌లలో టీమిండియా తలపడనుంది. ఇదివరకే ఆసీస్ పర్యటన నిమిత్తం ప్రస్తుత సిరీస్ నుంచి రెగ్యూలర్ కెప్టెన్ విరాట్ కోహ్లీ విశ్రాంతి తీసుకున్నాడు. కోహ్లీ విశ్రాంతి తీసుకున్న సమయాల్లో ఓపెనర్ రోహిత్‌ శర్మ సారథ్య బాధ్యతలు నిర్వర్తిస్తున్నాడు. తొలి రెండు మ్యాచ్‌లలో అవకాశం రాని మరికొందరు ఆటగాళ్లు మూడో టీ20లో జట్టులోకి రానున్నారు.

మూడో టీ20కి భారత ఆటగాళ్లు: రోహిత్‌శర్మ(కెప్టెన్), శిఖర్ ధావన్, లోకేశ్ రాహుల్, దినేశ్ కార్తీక్(వికెట్ కీపర్), మనీశ్‌పాండే, శ్రేయస్ అయ్యర్, రిషబ్ పంత్, కృనాల్ పాండ్యా, వాషింగ్టన్ సుందర్, యజువేంద్ర చహల్, భువనేశ్వర్ కుమార్, ఖలీల్ అహ్మద్, షాబాజ్ నదీమ్, సిద్ధార్థ్ కౌల్

Mobile AppDownload and get updated news



Source link

Leave a Reply

Your email address will not be published. Required fields are marked *

shares