ఢిల్లీ: సోనియా గాంధీతో డీఎస్ భేటీ

ఎంపీ డీఎస్ (ధర్మపురి శ్రీనివాస్) యూపీఏ ఛైర్‌పర్సన్ సోనియా గాంధీతో భేటీ అయ్యారు. ఢిల్లీలో ఉన్న శ్రీనివాస్ శుక్రవారం రాత్రి సోనియాను కలిసినట్లు తెలుస్తోంది. ఈ భేటీలో ప్రధానంగా తెలంగాణ ఎన్నికలు, మహా కూటమి, తాజా రాజకీయ పరిణామాలపై చర్చించినట్లు సమాచారం. అయితే ఈ భేటీకి సంబంధించిన పూర్తి వివరాలు మాత్రం తెలియాల్సి ఉంది.

టీఆర్ఎస్‌ నేతలతో విభేదాలతో పార్టీ కార్యక్రమాలకు దూరంగా ఉంటున్న ఆయన.. కాంగ్రెస్‌లో చేరబోతున్నారనే ప్రచారం జరిగింది. కొద్ది రోజుల క్రితమే రాహుల్ గాంధీని కూడా కలిశారు. అదే రోజు కాంగ్రెస్ కండువా కప్పుకొంటారని భావించినా.. ఆయన మాత్రం పార్టీలో చేరకుండా ట్విస్ట్ ఇచ్చారు. మళ్లీ ఇప్పుడు సోనియాను కలవడం ఆసక్తికరంగా మారింది. అయితే కాంగ్రెస్‌లో చేరేందుకు సుముఖంగా ఉండటంతో.. మహా కూటమిలో పార్టీలను సమన్వయం చేసే బాధ్యతలను డీఎస్‌కు సోనియా అప్పగించినట్లు విశ్వసనీయ వర్గాల సమాచారం.

మొదటి నుంచి కాంగ్రెస్‌లో కొనసాగుతున్న డీఎస్.. రెండేళ్ల క్రితం టీఆర్‌ఎస్‌లో చేరారు. కేసీఆర్ ఆయనకు రాజ్యసభ సభ్యుడిగా అవకాశం కల్పించారు. అయితే నిజామాబాద్‌కు చెందిన టీఆర్ఎస్ నేతలు ఆయన తీరుపై అసంతృప్తి వ్యక్తం చేస్తూ.. తిరుగుబాటు బావుటా ఎగురవేశారు. పార్టీ వ్యతిరేక కార్యక్రమాలకు పాల్పడుతున్నారంటూ కేసీఆర్‌కు ఫిర్యాదు చేశారు.క్రమశిక్షణ చర్యలు తీసుకోవాలని కోరారు. అప్పటి నుంచి పార్టీ కార్యక్రమాలకు దూరంగా ఉంటున్నారు.

Mobile AppDownload and get updated news



Source link

Leave a Reply

Your email address will not be published. Required fields are marked *

shares