నోట్ల రద్దుకు రెండేళ్లు.. పేలిన నెటిజన్ల సెటైర్లు, జోకులు!

పెద్ద నోట్ల రద్దుకు రెండేళ్లు పూర్తైన సందర్భంగా దేశవాసులు నాటి కష్టాలను మరోసారి తలచుకున్నారు. గంటల తరబడి కిలోమీటర్ల దూరం వరకూ క్యూ లైన్లలో నిల్చున్న ఆ వైనాన్ని గుర్తు తలచుకొని కళ్లు చెమర్చారు. మోదీ ప్రభుత్వంపై విపక్ష నేతలు విమర్శల వర్షం కురిపించగా.. నెటిజన్లు తమ క్రియేటివిటీకి పని చెప్పారు. సోషల్ మీడియా వేదికగా నోట్ల రద్దుపై సెటైర్లు వేశారు.

2016 నవంబర్ 8 అర్ధరాత్రి నుంచి రూ. 500, రూ. 1000 నోట్లు రద్దైన విషయం తెలిసిందే. ఈ సంచలనం జరిగి నేటికి సరిగ్గా రెండేళ్లు. నల్లధాన్ని రూపుమాపడం, అవినీతిని అరికట్టేందుకు నోట్ల రద్దు నిర్ణయం తీసుకున్నామంటూ ప్రధాని మోదీ నాడు ప్రకటించారు. వివిధ రంగాలపై దీని ప్రభావం నేటికీ కొనసాగుతోంది. ఈ నేపథ్యంలో నోట్ల రద్దు, తదనంతర పరిణామాలపై నెటిజన్లు విభిన్న అభిప్రాయాలను వ్యక్తం చేశారు.

నోట్ల రద్దు మోదీ ప్రభుత్వ అతిపెద్ద వైఫల్యమని, ఇప్పుడు ‘స్టాట్యూ ఆఫ్ ఫెయిల్యూర్’ పేరుతో మరో విగ్రహం నిర్మిస్తారా.. అంటూ ఓ నెటిజన్ ఎద్దేవా చేశారు. మోదీ భజనపరులకు నోట్ల రద్దు నచ్చిందని, ఈ ఒక్క కారణంగానే వచ్చే ఎన్నికల్లో బీజేపీ పరాజయం పాలవుతుందని మండిపడ్డారు.

‘సిద్ధంగా ఉండండి.. మేరే ప్యారే దేశ్ వాసియోం.. అంటూ ఆయన మళ్లీ మొదలుపెట్టొచ్చు..’ అని మరో నెటిజన్ ఎద్దేవా చేశారు. మోదీ ఫూల్ డే, బ్లాక్ డే.. అంటూ మరికొంత మంది విమర్శలు కురిపించారు. అదో పెద్ద స్కాం అంటూ మరికొంత మంది ఆరోపించారు.

ఎలుకల నిర్మూలన కోసం ఇళ్లు తగులబెట్టుకున్నట్లుగా నోట్ల రద్దు ఉందని మరో నెటిజన్ విమర్శించారు. ఇలాంటి పని చేసిన వారిని ఏమనాలంటూ ప్రశ్నించారు. నోట్ల రద్దు సమయంలో సామాన్యుల బాధలు, కన్నీటి వ్యథలకు సంబంధించిన ఫోటోలను పోస్టు చేస్తూ మరికొంత మంది ఆవేదన వ్యక్తం చేశారు.

నోట్ల రద్దు నాటి జోకులు..

66548561
66548562
66548563
66548564

Mobile AppDownload and get updated news





Source link

Leave a Reply

Your email address will not be published. Required fields are marked *

shares