బెజవాడ: ‘గాజుల దుర్గమ్మ’గా అమ్మవారు

బెజవాడ ఇంద్రకీలాద్రి కార్తీక శోభ సంతరించుకుంది. కార్తీకమాసం ప్రారంభంకావడంతో.. అమ్మవారికి ప్రత్యేక పూజలు నిర్వహిస్తున్నారు. శుక్రవారం కార్తీక శుద్ద విదియ కావడంతో.. దుర్గమ్మకు గాజుల ఉత్సవాన్ని వైభవంగా చేశారు. ఉత్సవం కోసం భక్తులు సమర్పించిన కోటి గాజులతో ఆలయాన్ని ప్రత్యేకంగా సర్వాంగ సుందరంగా తీర్చిదిద్దారు. అలాగే అమ్మవారిని కూడా గాజులతో ప్రత్యేకంగా అలంకరించారు. అమ్మవారు గాజుల దుర్గమ్మగా భక్తులకు దర్శనమిచ్చింది. గాజుల ఉత్సవం కావడంతో ఉదయం నుంచి భక్తుల రద్దీ కూడా పెరిగింది.

గాజుల ఉత్సవం కావడంతో ఆలయం కూడా కొత్తరూపును దిద్దుకుంది. గాజులు, విద్యుద్దీపాలతో సరికొత్త శోభను సంతరించుకుంది. మరోవైపు కార్తీకమాసం సందర్భంగా అమ్మవారికి ప్రత్యేక పూజలు నిర్వహించనున్నారు. నవంబర్ 12, 19, 23, 26.. డిసెంబర్ 3, 5 తేదీల్లో లక్ష బిల్వార్చన చేయనున్నారు. అలాగే సహస్త్ర లింగార్చన, రుద్రహోమం, ఊంజల్‌ సేవ, సరస్వతి హోమం, సుబ్రమణ్య స్వామి కల్యాణాన్ని నిర్వహించనున్నారు. పూజలకు సంబంధించి వివరాలను దుర్గ గుడి వెబ్ సైట్‌లో తెలుసుకోవచ్చు.

Mobile AppDownload and get updated news



Source link

Leave a Reply

Your email address will not be published. Required fields are marked *

shares