వారెంట్ లేకుండా సోదాలా?: లగడపాటి ఫైర్

మాజీ ఎంపీ, ప్రముఖ వ్యాపార వేత్త లగడపాటి రాజగోపాల్ పోలీసులపై ఆగ్రహం వ్యక్తం చేశారు. గురువారం రాత్రి 10 గంటల సమయంలో తన స్నేహితుడు, ప్రముఖ వ్యాపార వేత్త జీపీ రెడ్డి ఇంట్లో తనిఖీలకు వచ్చిన పోలీసులను ఆయన అడ్డుకున్నారు. ఎటువంటి ఆధారాలు లేకుండా సోదాలు ఎలా చేస్తారంటూ పోలీసులను నిలదీశారు.

హైదరాబాద్‌లోని జూబ్లీహిల్స్‌ రోడ్‌ నెం.65లోని జీపీ రెడ్డి ఇంట్లో వెస్ట్‌జోన్‌ డీసీపీ ఏఆర్‌ శ్రీనివాస్‌ ఆధ్వర్యంలో పోలీసులు తనిఖీలు చేసేందుకు సిద్ధమయ్యారు. ఈ సమాచారం తెలిగానే లగడపాటి అక్కడికి చేరి వారెంట్ చూపించాలని పోలీసులను అడిగారు. ఈ విషయాన్ని పోలీసులు తమ ఉన్నతాధికారులుకు చెబుతుండగా ఆయన ఫోన్ లాక్కొని సోదాలపై ఆగ్రహం వ్యక్తం చేశారు.

ఇది సివిల్ కేసని, ఐజీ నాగిరెడ్డి ఒత్తిడితో ఇలా అర్థరాత్రి సోదాలు చేస్తారా అంటూ మండిపడ్డారు. జూబ్లీహిల్స్‌ రోడ్‌ నెం.12లో ఓ ఐపీఎస్‌ అధికారికి చెందిన భూమికి తప్పుడు ధ్రువపత్రాలు సృష్టించారని బంజారాహిల్స్‌ పోలీస్‌స్టేషన్‌లో జీపీ రెడ్డిపై కేసు నమోదైంది. ఈ కేసు విచారణలో భాగంగా పోలీసులు సోదాలు వచ్చినట్లు చెబుతున్నారని లగడపాటి తెలిపారు. ఐజీ నాగిరెడ్డితో కలిసి ఈ కేసు సెటిల్ చేసుకోవాలంటూ పోలీసులు ఒత్తిడి తెస్తున్నారని ఆరోపించారు. ఈ సోదాలపై తాను గవర్నర్‌, ఎన్నికల సంఘానికి ఫిర్యాదు చేస్తానన్నారు.

Mobile AppDownload and get updated news



Source link

Leave a Reply

Your email address will not be published. Required fields are marked *

shares