హరీష్‌రావు, రేవంత్‌లకు ఈసీ నోటీసులు

తెలంగాణలో ఎన్నికల వేడి కనిపిస్తోంది. ప్రచారంలో దూకుడు పెంచిన ప్రధాన పార్టీల నేతలు.. మాటల యుద్ధంతో విరుచుకుపడుతున్నారు. మహాకూటమి టార్గెట్‌గా టీఆర్ఎస్ విమర్శనాస్త్రాలు సంధిస్తే.. కూటమి నేతలు కూడా అదే రేంజ్‌లో కౌంటర్ ఇస్తున్నారు. ఈ మాటల మంట ఒకరిపై మరొకరు ఎన్నికల సంఘానికి ఫిర్యాదు చేసుకునే వరకు వెళ్లింది. వరుస ఫిర్యాదులపై స్పందించిన ఈసీ పలు పార్టీల నేతలపై కన్నెర్ర జేసింది. ఈ వ్యాఖ్యలకు సమాధానం చెప్పాలంటూ నోటీసులు పంపింది.

మంత్రి హరీష్‌రావు, తెలంగాణ కాంగ్రెస్ వర్కింగ్ ప్రెసిడెంట్ రేవంత్ రెడ్డి.. కాంగ్రెస్ నేత వంటేరు ప్రతాప్ రెడ్డిలతో పాటూ టీడీపీ నేత రేవూరి ప్రకాష్ రెడ్డిలకు నోటీసులు జారీ అయ్యాయి. నలుగురు నేతలపై వచ్చిన ఫిర్యాదులతో.. నోటీసులు పంపినట్లు ఎన్నికల ప్రధాన అధికారి రజత్ కుమార్ తెలిపారు. దీనిపై 48 గంల్లోగా వివరణ ఇవ్వాలని ఆదేశించారు.

ఇటు శుక్రవారం టీ-టీడీపీ నేతలు ఈసీని కలిశారు. మంత్రి హరీష్ రావు.. టీడీపీ అధినేత చంద్రబాబుపై అనుచిత వ్యాఖ్యలు చేశారంటూ ఫిర్యాదు చేశారు. అలాగే టీఆర్ఎస్ నేతలపై కాంగ్రెస్, టీడీపీ నేతలు చేసిన వ్యాఖ్యలు కూడా ఈసీ దృష్టికి వెళ్లాయి. ఈ ఫిర్యాదుల్ని పరిగణలోకి తీసుకున్న ఎన్నికల ప్రధాన అధికారి రజత్ కుమార్ నోటీసులు జారీ చేస్తున్నట్లు తెలిపారు.

Mobile AppDownload and get updated news



Source link

Leave a Reply

Your email address will not be published. Required fields are marked *

shares